المحل المغلق قدامكم ده ليه قصة حزينة تعالوا معانا في قصة جديدة مع #مباحث_التسويق زي ما انتم شايفين في الصورة ان فكرة المشروع بسيطه حنبيع خضروات وفاكهه ولكن بمستوى عالي ولطبقة class A وحنهتم بالديكور والواجهه وكمان حنختار مكان راقي نفتح فيه حنهتم بالاضائة وطريقة العرض وحنزود شوية في السعر مقابل الخدمة ستوووووووووبلحد دلوقتي انت مقدمتش خدمة تستحق زيادة السعر وهي دي اكبر مشكلة وسبب رئيسي لاغلاق المحل انا دخلت المحل قبل الاغلاق وتجربتي معاه كانت فعلا سيئة الخضراوات والفاكهه مفيش فيهم تنوع كبير بالاضافة ان كان في رائحة مش لطيفة في المكان والمعروض اصلا في كتير منه غير طازج واللي واقف في المحل شابين على الكاشير وخدوا وقت طويييل جدا علشان الزبون اللي قدامي يحاسب وبعدين انا ومش معايا فكة خد ربطه نعناع اللي هو اصلا مش احسن حاجهببساطة اللي وقع المشروع ده مع ان فكرته لطيفة ان الخدمة الحقيقية وتجربة العميل سيئةناس كتير بتفتح مشروع علشان تستهدف class Aبس مش عارفين Class A عاوزين ايه فللاسف بيفشلواركزوا في مشاريعكم انكم تقدموا قيمة حقيقية للعميل #التسويق_مش_بس_اعلان_ممول #بيزنس_ببساطة_مع_خالد #مباحث_التسويق